Біз барған кеште көл бетін
Мұң тербеп тұрды келбетің
Жанарын жаспен жуып тұр, ой, дүние-ай
Сыңарсыз аққу ең жетім
Қызарып барып батты күн
Тиылды-ау лезде тәтті үнің
Қай жерде қалды шаттығың
Жұбыңды сенің атты кім
Түнде ұшқан жалғыз аққуым
Айналып ұштың айдынды
Жұлдызда мұңды, ай мұңды
Қия алмай ұштың қияға, ой, дүние-ай
Түнекпен бөлсе қайғыңды
Киелі құс ең көнеден
Төнере ұштың төбеден
Көл шертіп қалды көп өлең
Қиын-ау, қиын деп тұрдым
Сыңарсыз қалу не деген
Кімдер дос, саған кім дұшпан
Ай шалқақ, кейде жұлдыз паң
Жүректі қозғап барады, ой дүние-ай
Аққудың даусы түнде ұшқан
Қуаныш қайда көл көсір
Қалмадың шаттық көлде шын
Сол жалғыз аққу тағдырын
Біз екеумізге бермесін
Жалғыздық ешкім көрмесін
Статистика страницы на pesni.guru ▼
Просмотров сегодня: 4