Трызна - Навальнiца (2015 Single) | Текст песни

• Тексты песен
• Трызна
• Навальнiца (2015 Single)

Стамілася чорнае неба,
Згубіўся ў лесе вецер.
І рухацца больш ня трэба
У сне, што падобны смерці

Пакладзі мяне
На бліскучы снег,
Пахавай мяне
Ў ледзяной труне.

Паветра застыла. Дыхаць
У пустэчы няма жадання,
І лепей бяду наклікаць,
Чым жыць у бязрушным стане.

Сілаў больш няма -
Не смерць і не жыццё.
Белая труна
Душыць забыццём.

Бессэнсоўнасць спыніла сэрца,
Горды дух цішынёй забіты.
Пад зямлёй у пакутах б’ецца
Пахаваная асабістасць.

Толькі рух шэрых дзён мне сніцца.
Адгукнецца ў сэрцы гром,
Узарве цішыню навальніца
І скончыць халодны палон.

Забі мяне!
Апалі мяне!
Разбудзі мяне!
Аднаві мяне!

Запаліла маланка сэрца,
Аднавіла агонь забыты.
З-пад зямлі ашалела р’вецца
Пахаваная асабістасць

Забі мяне!
Апалі мяне!
Разбудзі мяне!
Аднаві мяне!

Абарвецца зіма навальніцаю.
Лёд растане, сыдуць халады.
Адна мара – на волю вырвацца
І напіцца дажджовай вады,
Пазабыць то жыццё пахаванае,
Што аддана праклятай журбе,
І пад дубам, разбітым маланкаю
Стаць ахвярай самому сабе.


Трызна еще тексты