Утнасн Осорин - Шүлг Чи бидн хойр | Текст песни

• Тексты песен
• Утнасн Осорин
• Шүлг Чи бидн хойр

ЧИ БИДН ХОЙР

Нарн-сар шиңгән,
чи бидн хойр.
Навч цецг шиңгән,
чи бидн хойр.
Заһсн усн шиңгән,
чи бидн хойр
Зүүднә бәрә шиңгән -
чи бидн хойр.

Ээм-ээмән түшлдсн,
чи бидн хойр.
Эв-эвтән багтсн,
чи бидн хойр.
Эрк бичкн зүркәрн –
чи бидн хойр.
Эңкр дуран холвсн –
чи бидн хойр.

Дууна алтн келкә,
чи бидн хойр.
Дурна мөңгн боран,
чи бидн хойр.
Мөл эрднин чимг,
чи бидн хойр.
Мөңк ноһан хәәр,
чи бидн хойр.

Дурна уулас өндр,
чи бидн хойр.
Дурна далаһас гүн,
чи бидн хойр.
Дурна шикрәс әмтәхн,
чи бидн хойр.
Дурна алтнас үнтә -
чи бидн хойр….

Дер ниилв гисн -
чи бидн хойр.
Дегәд өөрхн гисн -
чи бидн хойр.
Дембрл хүв гисн -
чи бидн хойр.
Делкә мини гисн -
чи бидн хойр.

Альвн һалын илч -
чи бидн хойр.
Әмдин җирһлин зая -
чи бидн хойр.
Җилдән, сардан хамдан -
чи бидн хойр.
Җирһл, зовлң хамдан –
чи бидн хойр.

Утнасн Осорин еще тексты