Учебный обиход сербского церковного пения - Утвержденные стихиры - Веселися, Иерусалиме - гл. 4 | Текст песни

• Тексты песен
• Учебный обиход сербского церковного пения - Утвержденные стихиры
• Веселися, Иерусалиме - гл. 4

Рождество Христово.

На велицей вечерни.

На стиховне стихиры.

Слава, глас 4. Иоанна монаха:

Слава, глас 4, преподобного Иоанна Дамаскина
Веселися, Иерусалиме, / торжествуйте, вси, любящии Сиона: / днесь временный разрешися соуз осуждения Адамова. / Рай нам отверзеся. / Змий упразднися, / юже бо прельсти первее, / ныне узре Содетелеву бывшу Матерь. / О, глубина богатства, и премудрости, и разума Божия! / Яже исходатаивши смерть всей плоти, греховный сосуд / спасения начало бысть миру всему Богородицы ради. / Младенец бо раждается из Нея, Всесовершенный Бог, / и Рождеством девство печатствует, / пленицы греховныя разрешаяй пеленами, / и младенства ради Eвины врачует яже в печалех болезни; / да ликовствует убо вся тварь и да играет, / обновити бо ю прииде Христос и спасти души наша.