Фантасмагория - Levis exsurgit zephirus | Текст песни

• Тексты песен
• Фантасмагория
• Levis exsurgit zephirus

Pesni.guru - сайт для Гуру

Levis exsurgit zephirus
et sol procedit tepidus,
iam terra sinus aperit
dulcore suo difluit.

Ver purpuratum exiit,
ornatus suos induit,
asperit terram floribus,
ligna silvarum frondibus.

Struunt lustra quadrupedes
et dulces nidos volucres,
inter ligna florentia
sua decantant gaudia.

Quod oculis dum video
et auribus dum audio,
heu pro tantis gaudiis
tantis inflor suspiriis.

Cum mihi sola sedeo
et hec revolvens palleo,
si forte capud sublevo
nec audio nec video.

Tu saltim veris gratia
exaudi et considera
frondes flores et gramina,
nam mea languet anima.