Фарида - Сар хĕвел анать | Текст песни

• Тексты песен
• Фарида
• Сар хĕвел анать

Сар хĕвел анать…

Сар хĕвел анать çÿллĕ тÿперен.
Каç та пулчĕ-ши, эп каллех пĕччен.
Уçăп кантăка кĕçĕр яриех, )
Эсĕ ман пата таврăнăн кĕçех. )2 хут

Пахчари сирень шурă çеçкере,
Хумхатать ăна çил вĕре-вĕре.
Шав килет аса иртнĕ çуркунне, )
Эп манман савса эc чуп тунине. ) 2 хут

Шăппăн çеç шаккать пÿлĕмре сехет.
Тĕл пулас самант çывхарса килет.
Тен, эп сан умра айăплă – каçар… )
Ан кĕттер мана, чун-чĕрем чул мар. ) 2 хут

Хĕмленет çурта тумлатса куççуль,
Вăл та ман пекех тунсăхланă пуль.
Кирлĕ мар мана нимĕн те санран, )
Юратма кăна эс шантар паян. ) 2 хут

Фарида еще тексты