Фариза Оңғарсынова - Бір сырымды айтам өзіңе...(оқыған: Арман ҚҰДАЙБЕРГЕН) | Текст песни

• Тексты песен
• Фариза Оңғарсынова
• Бір сырымды айтам өзіңе...(оқыған: Арман ҚҰДАЙБЕРГЕН)

Бір сырымды айтам өзіңе, жаным, ал тыңдап:
алдыңа сенің күліп те келем жарқылдап,
алдыңа сенің түнеріп келем кейде мен,
өмірдің кейбір көлеңкелерінен салқындап.
Алдыңа бірақ көлгірсіп келмен қашанда,
бар жаным осы: сүйкімді ме әлде нашар ма
Көзіме жақсы көріну үшін өзің де
ұзатар қыздай сәнденіп, текке жасанба!
Сенсіз күндерде қайғы-мұң басып еңсені,
тілегем талай: “Аяулым жақын келсе еді...”
Жағынба маған, жарамсақтардан жиіркенем,
анадан туған пәктікпен сүйем мен сені.
Ашуың келсе, іренжиді-ау деп ашынба,
ішіңнен тынып, жаныңның күйін жасырма,
Екеуіміз, жаным, алдасып жүріп қайтеміз,
онсыз да мынау шындықка тапшы ғасырда.