Филүс Гәрәев - Байрамғол юрғалары | Текст песни

• Тексты песен
• Филүс Гәрәев
• Байрамғол юрғалары

Ғәзиз Дәүләтбирҙин көйө
Ғилемдар Рамаҙанов шиғыры

Үҙе бер дәртле йыр икән
Беҙҙең Учалы яғы.
Ағиҙел менән Яйығым
Сыға шул ерҙән ағып.

Иҫ китәрлек Оҙонкүле
Өргөнө, йылғалары.
Ошо ерҙең ҡанатылыр -
Байрамғол юрғалары.

Күрһәң уларҙы бәйгелә,
Онотола донъяларың.
Уралымдың мөғжизәһе -
Байрамғол юрғалары.

Оса аттар, көнләштереп
Күктәге торналарҙы.
Үргә әйҙәй егеттәрҙе
Байрамғол юрғалары.