Илгиз Зәкиров көйө
Әнғәм Атнабаев шиғыры
Танып буйы ҡарағат,
Өҙмәм — һиңә ҡалдырам,
Килгәнеңде көтә-көтә,
Күҙҙәремде талдырам.
Танып буйы әрәмә,
Керһәм — башым әйләнә,
Абау, бәғрем, сәскәйҙәрем
Сәстәреңә бәйләнә.
Танып буйы ҡамышлы,
Ҡамыштары һағышлы,
Ишеттеңме «яратам» тип
Бышылдаған тауышты?!
Танып буйы болонло,
Болононда булдыңмы?
Болондарҙа аҙашырбыҙ, —
Бир, ҡәҙерлем, ҡулыңды!
Танып буйы бөрлөгән,
Өҙөп һиңә бир тигән,
Өҙөлөп һөйгән йәрең өсөн
Утка-һыуға кер тигән.
Танып буйы әрәмә,
Керһәм — башым әйләнә,
Абау, бәғрем, сәскәйҙәрем
Сәстәреңә бәйләнә.
Статистика страницы на pesni.guru ▼
Просмотров сегодня: 1