Хажмөхәмәт Ғиззәтуллин - Аңланым (Van Rayne аранжировкаһы, Х. Ғиззәтуллин һүҙҙәре) | Текст песни

• Тексты песен
• Хажмөхәмәт Ғиззәтуллин
• Аңланым (Van Rayne аранжировкаһы, Х. Ғиззәтуллин һүҙҙәре)

1.
Бер күреүҙән оҡшаттым
Һәм үҙемә ҡараттым
Йөрәгеңде яулағас
Һөйөүемде белдергәс
Яратам тип һин әйттең
Ят һылыуға күҙ атҡас
Хистәреңдә уйнаным
Үҙемде яраттырып
Ә үҙем яратманым
Ни эшлап кенә улайттым
Күҙ йәшеңде түктереп,
Мин һине ыҙалаттым
Мөхәббәткә юл ябып,
Шунан һине юғалтҡас
Хаталарҙы аңланым

2.
Инде нимә эшләргә,
Нисек итеп йәшәргә? –
Мин бит һине юғалттым.
Күңелдә ауыр яра,
Табырға ине йәһәт
Уңайлы берәй сара.
Әгәр кисерһәң мине
Уңалыр йәндә яра.
Мөхәббәт – изге ялҡын,
Мөхәббәт – гүйә, ташҡын.
Хыялымда тик һөйөү.
Йәнемде үртәй - көйөү,
Һине тағы осратһам,
Миңә нисек булырға?
Ғәфү итсе, бар теләгем –
Ғәйебемде юйырға

3.
Һөйөүемдән ваз кистем –
Шул һис тә һыймай аңға
Кисер тиеп үтенәм
Килһәңсе, һылыу, янға.
Ҡараңғы төн – тормошом,
Яҡтыртһын өмөт уты
Күңелдәргә яғылһын
Ғүмерлек - һөйөү ҡото.
Ике яҙмышты бәйләп
Һайраһын – бәхет ҡошо.
Һөйгәнемдән һөйөлөү
Теләгем бары – ошо.
Юҡһына бит йөрәгем
Асылғас күңел күҙем,
Өмөтләнеп мин көтәм
Сабырлыҡ менән түҙәм.

Ҡушымта.
Ғәфү ит, мине – мин бит яңлыштым,
Ҡабул ит йәнем, һине аңланым.
Мәлендә һине, ҡәҙер итмәнем.
Кисер укенәм, ғәфү үтенәм.


Хажмөхәмәт Ғиззәтуллин еще тексты