Халид - Билала | Текст песни и Перевод на русский

• Тексты песен
• Халид
• Билала

✅ - Кхалха гергахь ваханчу хенахь

⭕⭕⭕

Дела Элчано, ша кхалха гергахь ваханчу хенахь, шена т1екхайкхир ше асхьаб Билала.
➖
Билале элир цу:
➖
– Ша кхалха ма воллу, ахь шена
балабехь, маьждиге асхьабаш.
➖
Билала ша кхайкхир, сийдолчу
тобуне, «Элчано маьждиге, дуьйла бох шуьга», аьлла.
➖
Уьш тIаккха ма баьхкир, Дела Элчи ва волчу, дегнаш - бIаргаш
ва доьлхуш, шаьш гIайгIане ва болуш.
➖
ТIаккха Элчи ма вахар, ша хутIба доьшачу, асхьабех къахетта, гIайгIане ша волуш.
➖
Элчано ламаз дир, царна хьалха ва ваьлла, вай Деле хьесталуш, ше уммат ва доьхуш.
➖
Элчано ма элир:
➖
– Шух къаста воллу ша, шу дезаш
дуьтту ша, ше дики асхьабаш!
➖
Инни-Кунту ша вара, шу дезна Пайхамар, Делерчу вохьйенца, шу Деле ва доьхуш.
➖
– Дукха деза да нана, шу хеташ вара ша, йиш-вешех ва санна, шух
къахеташ вара ша.
➖
Ша зулам динариг, хIинци хьала гIоттийла, шегара чIир эца, къемат де кхачале.
➖
ТIаккха хьала ма икхир, Iукашат
ва Асхьаб, вай гIазотехь доьлхуш, ахь шена сара туьйхира ва Элчи!
➖
ШозлагIа-кхозлагIа, хьо кхойкхуш
цахиллехь, ша ма гIоттур вацара хьоьгара чIир эца.
➖
Элчано вахийтир, ше асхьаб Билала, ше цIера сараба, ПетIимат ва йолчу.
➖
ПетIимат ша ма йилхир, Элчанах къахетта, «ше дегара чIир эцна, паргIат мила воллу», аьлла.
➖
Билалас дIабелир, Элчане и сара, Элчано дIабелир, Iукашате и сара.
➖
«ХIинци ахь тохала, Iукашат и сара», – аьлла, вист хиллир бох, Сийдолу вай Элчи.
➖
Абубакар ма гIаьттир, Iумар-Iусман ма гIаьттир, Элчанна махийна шай догIмаш ду хьуна!
➖
Вай Элчанна ахь тоьхчи, шайги лалур дац хьуна, Дела Элчи виталахь, ахь тхуна тохалахь!
➖
Хьасайн-Хьусейн ма гIаьттир, цу
шиммо ма элир:
– Iаьлий ши кIант ву тхойшиъ, ПетIиматас ва вина.
➖
Тхойшинен ахь тоьхчи, хьа чIир екъало хьуна, Дела Элчи виталахь тхойшинен тохалахь!
➖
ТIаккха Iаьли ма гIаьттир, цу цуьнга ма элир:
– Вай Элчанна ахь тоьхчи ше дог хьаста мила ву?, аьлла.
➖
Вай Элчанна ахь тоьхчи, шеги лалур дац хьуна, Дела Элчи виталахь, ша дуьнехь ва волуш!
➖
Элчано ма элир, Iукашат Асхьабе:
– Хьо тухур болуш велахь, тохий валахь, ше Асхьаб Iукашат!
➖
Iукашато элир, вай Дала Элчане:
– Ахь туьхир ва Элчи, дерзинчу ше
дегIе.
➖
Элчано дIауьйзир, ше дегIа
бедараш, маьхьарий ма доьвлир, Элчана асхьаби.
➖
ТIаккха гучу ма делир, Элчанна нуре дегI, вахана тIе кхийтир, Iукашат Элчанах.
➖
Элчи мара велина, Элчана дегIах хьарчийна, ша воьлхуш ма хьоьвзир, Iукашат ва асхьаб.
➖
– «Хьа Сийдолчу дегIах дIахьакх
велчи, бIарг кхетчи, декъал хиларе,
сатуьссуш вар ша ма», – аьлла, вист хиллир бох, Iукашат ва асхьаб.
➖
Дукха деза да-нана, хьо хеташ вара ша, хьуна тоха дог реза хьена, хир дара ва Элчи?
➖
ХIара эхь бехк шена тIе ийций ша, жоьжагIатех кхийрина, Сийдолчу хьа дегIе, ша хьалха ваккхийта.
➖
Элчано ма аьллер, ше дикчу асхьабашка: – Декъал хилла чунга хьовса луаш шаш делахь, Iукашате хьовсалаш, аьлла.
➖
Iукашат мара велина, асхьабаш билхира, мел говза йаькхир ахь, ялсамане ва хьайна.

⭕⭕⭕

Халид еще тексты

Перевод Translate.vc