Хасан Хубиев - Акъ къарчыкъла | Текст песни

• Тексты песен
• Хасан Хубиев
• Акъ къарчыкъла

Музыка и стихи Хасана Хубиева.

Ма энтда да замансызлай
Акъ къарчыкъла учадыла.
Тереклени агьартадыла,
Агъарталла чачымы.
Сууукъ джелле сызгъыралла,
Чапракъланы учуралла,
Ашыкъдырыб ашыралла
Алтын чачлы къачымы...

Припев:
Акъ къарчыкъла учадыла,
Сууукъ джерге къонадыла,
Кюртле болуб джайылалла,
Мени барлыкъ джолума.
Ала къалай сейирдиле,
Къалай дженгил эрийдиле,
Акъырын келиб къонсала
Мени джылы къолума.

Бютеу табигъат мыдахды,
Джылыу мындан бек узакъды.
Джерге дери джатхандыла,
Къарла басхан бутакъла.
Шорбат чыпчыкъла учалмай,
Башха мадар да эталмай,
Къол аязыма къарайла,
Къачыб кетмей, туракълай.

Припев.

Бу затха бек къыйналама,
Джолну сагъышлы барама,
Алай а мен ышанама –
Джазгъы кюнле келирле.
Билеме, кюн чыгъарыкъды,
Булутланы чачарыкъды,
Къол аязымда къарлача,
Терен кюртле эрирле.

Припев.

Хасан Хубиев еще тексты