Хор БелТРК - Лесная песня [«Ой, бярозы да сосны, партызанскія сёстры...»] | Текст песни

• Тексты песен
• Хор БелТРК
• Лесная песня [«Ой, бярозы да сосны, партызанскія сёстры...»]

Лесная песня

Музыка: Владимир Оловников
Слова: А. Русак

Ой, бярозы да сосны, партызанскія сёстры,
Ой, шумлівы ты лес малады.
Толькі сэрцам пачую тваю песню лясную,
І успомню былыя гады.

Ды успомню пажары, ды варожыя твары,
І завеі халодных вятроў,
І слату, і нягоды, і начныя паходы,
І агні партызанскіх кастроў.

Край любімы мой, родны, ты навекі свабодны,
За цябе я на бітву хадзіў,
Каб ніколі-ніколі ты не быў у няволі,
Каб заўсёды у шчасці ты жыў.

Адышлі тыя годы, адгрымелі паходы,
Толькі пушча за полем шуміць.
Ой, бярозы да сосны, партызанскія сёстры,
Вас ніколі ў жыцці не забыць.

1950

Источник: http://sovmusic.ru/download.php?fname=lesnayap

Хор БелТРК еще тексты