Хор братии Спасо-Преображенского Соловецкого ставропигиального мужского монастыря - На стиховне стихиры, глас 4. | Текст песни

• Тексты песен
• Хор братии Спасо-Преображенского Соловецкого ставропигиального мужского монастыря
• На стиховне стихиры, глас 4.

На стиховне стихиры, глас 4.

Подобен: Яко добля:

Источника приснотекущаго седяща на кладязи видевши жена,
терпящи зной премногих страстей исцелительную просяше
прияти воду жизни, из Него изливаемую аки поток:
юже и прият туне от Слова и не ктому ко кладязю тщится, земному и тленному.

Стих: Наляцы, и успевай, и царствуй, истины ради и кротости, и правды.

Иудейския обычаи жене гонящей, и свое прилагающей непричастное,
причастию воды Христос, приобщи мудрый Содетель, сладкими провещаньми,
и просити животекущую сию воду Божественную, юже пивши,
ко граду прииде возвещающи бывшая.

Стих: Возлюбил еси правду, и возненавидел еси беззаконие.

Ни почерпала имаши, и кладязь глубочайший, откуду убо подаси ми воду нетленную?
Самаряныня вопияше Ти Христе, Тебе яко человека мнящи, а не Бога,
и словесем чудящися: юже вещаньми сладчайшими напоив,
и Бога Тя всех тварей исповедати сотворил еси.

Слава, и ныне, глас 6:

Тако глаголет Господь самаряныни: аще бы еси ведала дар Божий,
и Кто есть глаголяй тебе, даждь Ми воды пити, ты бы просила у Него,
и дал бы ти пити, да не вжаждешися во веки, глаголет Господь.

Хор братии Спасо-Преображенского Соловецкого ставропигиального мужского монастыря еще тексты