Хор Валаамского Монастыря - Богоявление. Крещение. | Текст песни

• Тексты песен
• Хор Валаамского Монастыря
• Богоявление. Крещение.

Хор: День преше́д, благодарю́ Тя, Го́споди,/ ве́чер, прошу́, с но́щию// без греха́

пода́ждь ми, Спа́се, и спаси́ мя.

Сла́ва Отцу́ и Сы́ну и Свято́му Ду́ху.

День преше́д, славосло́влю Тя, Влады́ко,/ ве́чер, прошу́, с но́щию//

безсобла́знство пода́ждь ми, Спа́се, и спаси́ мя.

И ны́не и при́сно и во ве́ки веко́в. Ами́нь.

День преше́д, песносло́влю Тя, Святы́й,/ ве́чер, прошу́, с но́щию// ненаве́тен

пода́ждь ми, Спа́се, и спаси́ мя.

Безпло́тное естество́ Херуви́мское,/ немо́лчными пе́сньми Тя славосло́вят./

Шестокри́льная живо́тная серафи́ми,/ непреста́нными гла́сы Тя превозно́сят:/

Ангелов же вся Во́инства/ трисвяты́ми пе́сньми Тя восхваля́ют./ Пре́жде бо

всех еси́ Сый Оте́ц,/ и собезнача́льна и́маши Твоего́ Сы́на:/ и равноче́стна нося́й

Ду́ха жи́зни,// Тро́ицы явля́еши неразде́льное.

Пресвята́я Де́во Ма́ти Бо́жия,/ и и́же Сло́ва самови́дцы и слуги́:/ проро́к же и

му́ченик вси ли́цы,/ я́ко безсме́ртну иму́ще жизнь:/ о всех моли́теся приле́жно,/ я́ко

вси есмы́ в беда́х./ Да пре́лести изба́вльшеся лука́ваго,/ а́нгельскую вопие́м песнь:/

Святы́й, Святы́й, Святы́й, Трисвяты́й Го́споди,// поми́луй и спаси́ нас, ами́нь.

Хор Валаамского Монастыря еще тексты