Хор Валаамского монастыря, регент иеромонах Давид (Легейда) - 1-ый Антифон, 102 псалом (с двумя исонами) | Текст песни

• Тексты песен
• Хор Валаамского монастыря, регент иеромонах Давид (Легейда)
• 1-ый Антифон, 102 псалом (с двумя исонами)

Псалом 102
Благослови, душе моя, Господа, Благословен еси Господи. Благослови, душе моя, Господа, и вся внутренняя моя имя святое Его. Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя: Щедр и Милостив Господь, Долготерпелив и Многомилостив.
Слава Отцу и Сыну и Святому Духу,
и ныне и присно и во веки веков.
Аминь.
Благослови, душе моя, Господа, и вся внутренняя моя имя святое Его.
Благословен еси Господи.

Хор Валаамского монастыря, регент иеромонах Давид (Легейда) еще тексты