Хор Крестовоздвиженского собора г. Калининграда - Господи сил с нами буди | Текст песни

• Тексты песен
• Хор Крестовоздвиженского собора г. Калининграда
• Господи сил с нами буди

Pesni.guru - сайт для Гуру

Господи Сил, с нами буди, иного бо разве Тебе
помощника в скорбех не имамы,
Господи Сил, помилуй нас.

Хвалите Бога во Святых Его,
хвалите Его во утвержении силы Его

Хвалите Его на силах Его,
хвалите Его по множеству величествия Его.

Хвалите Его во гласе трубнем.
Хвалите Его во псалтири и гуслех.

Хвалите Его в тимпане и лице,
хвалите Его во струнах и органе.

Хвалите Его в кимвалех доброгласных,
хвалите Его в кимвалех восклицания:
всякое дыхание да хвалит Господа.

Хвалите Бога во Святых Его,
хвалите Его во утвержении силы Его.

Слава Отцу и Сыну и Святому Духу.

Господи, аще не быхом святыя Твоя имели молитвеники, и благостыню Твою милующую нас, како смели быхом Спасе, пети Тя, Его же славословят безпрестани ангели. Сердцеведче, пощади душа наша.

И ныне и присно и во веки веков, Аминь

Многая премножества моих Богородице, согрешении, к Тебе прибегох Пречистая, спасения требуя. Посети немощнующую мою душу, и моли Сына Твоего и Бога нашего, дати ми оставление, яже содеях люты, едина Благословеная.
Всесвятая Богородице, во время живота моего не остави мене, и человеческому предстательству не ввери мя, но Сама заступи и помилуй мя.
Все упование мое к Тебе возлагаю, Мати Божия, сохрани мя во Своем си крове.