Хор Минского Свято-Петро-Павловского собора - Тропари по непорочных ''Благословен еси, Господи...'' | Текст песни

• Тексты песен
• Хор Минского Свято-Петро-Павловского собора
• Тропари по непорочных ''Благословен еси, Господи...''

Благословен еси Господи, научи мя оправданием
твоим.

Ангельский собор удивися, зря тебе в
мертвых вменившася, смертную же, Спасе, крепость
разоривша, и с собою адама воздвигша, и от ада
вся свобождша.

Благословен еси Господи, научи мя оправданием
твоим.

Почто мира с милостивными слезами, _о ученицы,
растворяете? блистаяйся во гробе ангел
мироносицам вещаше: видите вы гроб и
уразумейте, Спас бо воскресе от гроба.

Благословен еси Господи, научи мя оправданием
твоим.

Зело рано мироносицы течаху ко гробу твоему
рыдающя, но предста к ним ангел и рече:
рыдания время преста, не плачите, воскресение же
апостолом рцыте.

Благословен еси Господи, научи мя оправданием
твоим.

Мироносицы жены, с миры пришедша ко гробу
твоему, Спасе, рыдаху, ангел же к ним рече
глаголя: что с мертвыми живаго помышляете? яко
Бог бо воскресе от гроба.

Слава:

Поклонимся отцу и его Сынови, и святому Духу,
святей Троице во едином существе, с серафимы
зовуще: свят, свят, свят, еси Господи.

И ныне:

Жизнодавца рождши, греха, Дево, адама избавила
еси, радость же еве в печали место подала
еси: падшия же от жизни к сей направи, из
тебе воплотивыйся Бог и человек.

Аллилуиа, аллилуиа, аллилуиа, слава тебе
Боже. Трижды.

Хор Минского Свято-Петро-Павловского собора еще тексты