"Господи воззвах..."
Господи воззвах к тебе услыши мя, услыши мя Господи. Господи воззвах к тебе услыши мя; Вонми гласу моления моего. Внегда воззвати ми к Тебе; услыши мя, Господи.
Да исправится молитва моя, яко кадило пред Тобою, воздеяние руку моею, жертва вечерняя. Услыши мя, Господи.
Догматик:
Всемирную славу, от человек прозябшую, и Владыку рождшую, небесную дверь воспоим Марию Деву, безплотных песнь и верных удобрение: Сия бо явися небо, и храм Божества, Сия преграждение вражды разрушивши, мир введе, и Царствие отверзе, Сию убо имуще веры утверждение, поборника имамы из Нея рождшагося Господа. Дерзайте убо, дерзайте людие Божии: ибо Той победит враги, яко Всесилен.
"Бог Господь...":
Бог Господь и явися нам, благословен грядый во имя Господне.
Тропарь:
Камени запечатану от иудей, и воином стрегуще Пречистое Тело Твое, воскресл еси тридневный Спасе, даруяй мирови жизни. Сего ради Силы небесныя вопияху Ти, Жизнодавче: слава воскресению Твоему, Христе; слава Царствию Твоему, слава смотрению Твоему, Едине Человеколюбче.
Другие названия этого текста
- Хор Минской Духовной семинарии - Глас 1: "Господи воззвах", Догматик "Всемирную славу...", "Бог Господь...", Тропарь "Камени запечатану от иудей..." (0)
- Господи воззвах (Глас 1), догматик "Всемирную славу...", "Бог Господь...", Тропарь "Камени запечатану от иудей..." - 2 (0)
Статистика страницы на pesni.guru ▼
Просмотров сегодня: 1