Хор Московского Сретенского монастыря - Антифоны праздника. Вход Господень в Иерусалим. | Текст песни

• Тексты песен
• Хор Московского Сретенского монастыря
• Антифоны праздника. Вход Господень в Иерусалим.

Антифоны праздника

Антифон 1, глас 2, псалом 114.

Возлюбих, яко услышит Господь глас моления моего.

Припев: Молитвами Богородицы, Спасе спаси нас.

Стих: 2: Яко приклони ухо Свое мне, и во дни моя призову. Молитвами Богородицы, Спасе спаси нас.

Стих 3: Объяша мя болезни смертныя, беды адовы обретоша мя. Молитвами Богородицы, Спасе спаси нас.

Стих 4: Скорбь и болезнь обретох, и имя Господне призвах. Молитвами Богородицы, Спасе спаси нас.

Слава, и ныне: Молитвами Богородицы, Спасе спаси нас.

Антифон 2, псалом 115.

Веровах, темже возглаголах: аз же смирихся зело. Спаси ны Сыне Божий, возседый на жребя, поющия Ти: аллилуиа.

Стих 2: Что воздам Господеви о всех, яже воздаде ми? Спаси ны Сыне Божий:

Стих 3: Чашу спасения прииму, и имя Господне призову. Спаси ны Сыне Божий:

Стих 4: Молитвы моя Господеви воздам, пред всеми людьми Его. Спаси ны Сыне Божий:

Слава, и ныне: Единородный Сыне:

Антифон 3, глас 1, псалом 117:

Исповедайтеся Господеви яко благ, яко в век милость Его. Тропарь: Общее воскресение:

Стих 2: Да речет убо дом Израилев: яко благ, яко в век милость Его. Общее воскресение:

Стих 3: Да речет убо дом Ааронь: яко благ, яко в век милость Его. Общее воскресение:

Стих 4: Да рекут убо вси боящиися Господа: яко благ, яко в век милость Его. Общее воскресение:


Хор Московского Сретенского монастыря еще тексты