Хор Московского Сретенского монастыря - Песнопения Великого Повечерия первой седмицы Великого поста. Господи сил (Тропари, глас 6) | Текст песни

• Тексты песен
• Хор Московского Сретенского монастыря
• Песнопения Великого Повечерия первой седмицы Великого поста. Господи сил (Тропари, глас 6)

Господи сил, с нами буди, иного бо разве Тебе помощника в скорбех не имамы: Господи сил, помилуй нас.

Хвалите Бога во святых Его, хвалите Его во утверждении силы Его.

Хвалите Его на силах Его, хвалите Его по множеству величествия Его.

Хвалите Его во гласе трубнем, хвалите Его во псалтири и гуслех.

Хвалите Его в тимпане и лице, хвалите Его во струнах и органе.

Хвалите Его в кимвалех доброгласных, хвалите Его в кимвалех восклицания: всякое дыхание да хвалит Господа.

Господи, аще не быхом святыя Твоя имели молитвенники и благостыню Твою милующую нас, како смели быхом, Спасе, пети Тя, Егоже славословят непрестанно Ангели? Сердцеведче, пощади души наша.

Многая множества моих, Богородице, прегрешений, к Тебе прибегох, Чистая, спасения требуя: посети немощствующую мою душу и моли Сына Твоего и Бога нашего дати ми оставление, яже содеях, лютых, едина благословенная.

Всесвятая Богородице, во время живота моего не остави мене, человеческому предстательству не ввери мя, но Сама заступи и помилуй мя.

Все упование мое на Тя возлагаю, Мати Божия, сохрани мя под кровом Твоим.

Хор Московского Сретенского монастыря еще тексты