Хор Московского Сретенского монастыря - «Тебе одеющагося» Прот. П. Турчанинов | Текст песни

• Тексты песен
• Хор Московского Сретенского монастыря
• «Тебе одеющагося» Прот. П. Турчанинов

Тебе, одеющагося светом яко ризою, снем Иосиф с древа с Никодимом, и видев мертва, нага, непогребенна, благосердный плачь восприим, рыдая глаголаше: увы мне, сладчайший Иисусе, Егоже вмале солнце на кресте висима узревшее мраком облагашеся, и земля страхом колебашеся, и раздирашеся церковная завеса: но се ныне вижу Тя, мене ради волею подъемша смерть; како погребу Тя, Боже мой, или какою плащаницею обвию? коима ли рукама прикоснуся нетленному Твоему телу? или кия песни воспою Твоему исходу, Щедре? величаю страсти Твоя, песнословлю и погребение Твое со воскресением, зовый: Господи, слава Тебе.

Хор Московского Сретенского монастыря еще тексты