Хор храма св. блж. Ксении Петербургской. Регент хора - Татьяна Савченко. - Честнейшую херувим | Текст песни

• Тексты песен
• Хор храма св. блж. Ксении Петербургской. Регент хора - Татьяна Савченко.
• Честнейшую херувим

Величит душа Моя Господа, и возра́довася дух Мой о Бо́зе Спасе Моем.

Припев: Честне́йшую херуви́м и сла́внейшую без сравнения серафим, без истления Бога Слова рождшую, сущую Богородицу, Тя величаем.

Яко призре́ на смирение рабы Своея́, се бо от ныне ублажат Мя вси ро́ди.
Припев:

Яко сотвори́ Мне величие Сильный, и свято имя Его, и милость Его в ро́ды родо́в боящимся Его.
Припев:

Сотвори́ державу мышцею Своею, расточи́ гордыя мыслию сердца их.
Припев:

Низложи́ сильныя со престол, и вознесе́ смиренныя; алчущия исполни благ, и богатящияся отпусти тщи.
Припев:

Восприя́т Израиля отрока Своего, помянути милости, якоже глаго́ла ко отце́м нашим, Аврааму и семени его даже до века.
Припев: