Хорлам и Фатима Шунгаровы - Къарачай джаш бла къызны джыры | Текст песни

• Тексты песен
• Хорлам и Фатима Шунгаровы
• Къарачай джаш бла къызны джыры

муз. народные
сл. народные и Жанны Шунгаровой

- Барсам, аллай джашха барлыкъма,
Бармасам да, юйде къаллыкъма,
Юч этажлы юйю болгъан,
Тюбюнде да "Джипи" болгъан -
Барсам, аллай джашха барлыкъма.

- Алсам аллай къызны аллыкъма,
Алмасам да, ма былай къаллыкъма.
Парча джастыкъ тышы болгъан,
Аны ичи евро болгъан -
Алсам, аллай къызны аллыкъма.

- Барсам, аллай джашха барлыкъма,
Бармасам да, юйде къаллыкъма.
Кийимлерин, кеси джуугъан,
Кёнчегине итиу ургъан -
Барсам, аллай джашха барлыкъма.

- Алсам аллай къызны аллыкъма,
Алмасам да, ма былай къаллыкъма.
Эртденгиде-эртде тургъан,
Джумушун этиб, толтургъан -
Алсам, аллай къызны аллыкъма.

- Барсам, аллай джашха барлыкъма,
Бармасам да, юйде къаллыкъма.
Хурджунунда диплом болгъан,
Айлыгъыда миллион болгъан -
Барсам, аллай джашха барлыкъма.

- Барсам, аллай джашха барлыкъма,
Бармасам да, юйде къаллыкъма.
Субай ариу саны болгъан,
Узун ариу чачы болгъан -
Алсам, аллай къызны аллыкъма.

- Барсам, аллай джашха барлыкъма,
Бармасам да, юйде къаллыкъма.

- Юч этажлы юйю болгъан,
Тюбюнде да "Джипи" болгъан -
Алсам, аллай къызны аллыкъма.

Хорлам и Фатима Шунгаровы еще тексты