Хоръ Свято-Тихоновскаго Богословскаго Института - Усѣкновеніе Главы Іоанна Предтечи, Стихиры на Господи воззвахъ | Текст песни

• Тексты песен
• Хоръ Свято-Тихоновскаго Богословскаго Института
• Усѣкновеніе Главы Іоанна Предтечи, Стихиры на Господи воззвахъ

Гласъ 6-й

Господи, воззвахъ къ Тебѣ, услыши мя. / Услыши мя, Господи.

Господи, воззвахъ къ Тебѣ, услыши мя. / Вонми гласу моленія моего, / внегда воззвати ми къ Тебѣ. / Услыши мя, Господи. / Да исправится молитва моя, яко кадило предъ Тобою. / Воздѣяніе руку моею жертва вечерняя. / Услыши мя, Господи.

Стихъ: Изъ глубины воззвахъ къ Тебѣ, Господи, / Господи, услыши гласъ мой.

Рождеству сотворяему безстуднаго Ирода, / скверныя плясавицы исполняшеся сложеніе клятвы: / Предтечева бо глава, отсѣкшися, / яко снѣдь, ношашеся на блюдѣ возлежащимъ. / О, пира мерзка, непреподобна дѣянія и убійства исполнена! / Но мы Крестителя, яко въ рожденныхъ женами больша, // достойно чтуще, ублажаемъ.

Стихъ: Да будутъ уши Твои / внемлюще гласу моленія моего.

Рождеству сотворяему безстуднаго Ирода, / скверныя плясавицы исполняшеся сложеніе клятвы: / Предтечева бо глава, отсѣкшися, / яко снѣдь, ношашеся на блюдѣ возлежащимъ. / О, пира мерзка, непреподобна дѣянія и убійства исполнена! / Но мы Крестителя, яко въ рожденныхъ женами больша, // достойно чтуще, ублажаемъ.

Стихъ: Аще беззаконія назриши, Господи, Господи, кто постоитъ / яко у Тебѣ очищеніе есть.

Пляса ученица вселукаваго діавола / и главу твою, Предтече, мзду взятъ. / О, пира, исполнена кровей! / Лучше бе не клятися, Ироде беззаконне, лжи внуче. / Аще ли же и клялся еси, но не о добрѣ клялся: / лучше бе солгавшу жизнь получити, / неже истинствовавшу главу Предтечеву усѣкнути. / Но мы Крестителя, яко въ рожденныхъ женами больша, // достойно чтуще, ублажаемъ.

Стихъ: И менѣ ради Твоего потерпехъ Тя, Господи, потерпе душа моя въ слово Твое / упова душа моя на Господа.

Пляса ученица вселукаваго діавола / и главу твою, Предтече, мзду взятъ. / О, пира, исполнена кровей! / Лучше бе не клятися, Ироде беззаконне, лжи внуче. / Аще ли же и клялся еси, но не о добрѣ клялся: / лучше бе солгавшу жизнь получити, / неже истинствовавшу главу Предтечеву усѣкнути. / Но мы Крестителя, яко въ рожденныхъ женами больша, // достойно чтуще, ублажаемъ.

Стихъ: Отъ стражи утреннія до нощи, отъ стражи утреннія / да уповаетъ Израиль на Господа.

Не подобаше ти, о Ироде, / прелюбодѣянію обличителя, / ради раченія сатанинска и разжженія неистовнаго блуда смертію осудити. / Не подобаше ти того всечестную главу / пребеззаконной жене ради клятвы плясанія предати бѣдне. / О, како дерзнулъ еси таково убійство совершити! / Како же не опалися скверная плясавица, / посреди пира на блюдѣ носящи сію? / Но мы Крестителя, яко въ рожденныхъ женами больша, // достойно чтуще, ублажаемъ.

Стих: яко у Господа милость и многое у Него избавленіе / и Той избавитъ Израиля отъ всѣхъ безаконій его.

Не подобаше ти, о Ироде, / прелюбодѣянію обличителя, / ради раченія сатанинска и разжженія неистовнаго блуда смертію осудити. / Не подобаше ти того всечестную главу / пребеззаконной жене ради клятвы плясанія предати бѣдне. / О, како дерзнулъ еси таково убійство совершити! / Како же не опалися скверная плясавица, / посреди пира на блюдѣ носящи сію? / Но мы Крестителя, яко въ рожденныхъ женами больша, // достойно чтуще, ублажаемъ.

Стихъ: Хвалите Господа, вси языцы / похвалите его, вси людіе.

Паки Иродіа бѣсится, паки смущается. / О, плясанія льстивна и пира съ лестію! Креститель усѣкашеся и Иродъ смущашеся. / Молитвами, Господи, Твоего Предтечи, // миръ подаждь душамъ нашимъ.

Стихъ: Яко утвердися милость Его на насъ / и истина Господня пребываетъ вовѣкъ.

Паки Иродіа бѣсится, паки смущается. / О, плясанія льстивна и пира съ лестію! Креститель усѣкашеся и Иродъ смущашеся. / Молитвами, Господи, Твоего Предтечи, // миръ подаждь душамъ нашимъ.

Хоръ Свято-Тихоновскаго Богословскаго Института еще тексты