Хусей Хубиев, Римма Хасанова и Владимир Аджибеков - Эгизле | Текст песни

• Тексты песен
• Хусей Хубиев, Римма Хасанова и Владимир Аджибеков
• Эгизле

Музыка Марата Кочкарова, стихи Биляла Аппаева.

Шам Малкъарда, джанкъылычны къанаты,
Джая болуб, Къарачайгъа ауады.
Къарачайны марал джангур джокъласа,
Мындан барыб, Малкъарда да джауады.

Эжиую:
Хей, эгизлебиз бир сютню ичген,
Минги Тауну эки башыча.
Биз ёсгенбиз булут къойнунда,
Бир ананы эки джашыча.

Къалмад джашау бизни сынар ючюннге,
Къыйынлыкъла, тыйгъычла да кёргенбиз,
Дагъан бола бирибизге бирибиз,
Биз алагъа бой бермей а келгенбиз.

Эжиую.

Хар къуру да алтын бирча турады,
Къонмайдыла не букъу, не кир анга.
Тюзлюгюбюз къыбылама джулдузду,
Бюгюлмейин, сёнгмей чыкъдыкъ биз танга.

Эжиую.

Мындан ары биз озарыкъ джолланы
Тейри къылыч турсун хаман джарытыб.
Джазыу чархы тохтамайын бурулсун,
Къарнашлыкъны керти кючюн танытыб.

Эжиую.

Хусей Хубиев, Римма Хасанова и Владимир Аджибеков еще тексты