Цевгә Төлән Анатолий Цебеков - һалун-шовун (1986) | Текст песни

• Тексты песен
• Цевгә Төлән Анатолий Цебеков
• һалун-шовун (1986)

һалун шовун доңһдна,
һазр - уснь сангдна.
һанц заясн заяч чамаг
Альк насндан мартхв.

Хазар тамһта бор мөрн
Хасгин адунд иҗлднә
Хәрәд оркнав гихинь
Хаана закан хату.

Очр тамһта бор мөрн
Орсин адунд иҗлтә.
Орһад хәрнәв гихинь
Орсин закан хату.

Кецднь урһсн өвсиг
Кер һалзнарн хазулвув.
Келхдән зөвчлсн Ярһс чамаг
Келәд, кенләрн дүңцүлхв.

Өндр, өндр, моднь
Онц болһнарн үмкрнә.
Өнчин заясн заяч чамаг
Альк насндан мартхв.

Улан хоолын усиг
Урсхулынь аютулҗ һатллав.
Уургиһән көкүлсн ээҗ минь
Улм хөөнән сангдна.

Көк һолын усинь,
Көндлң урсхулынь һатллав.
Көкиһән көкүлсн ээҗ минь
Көгшрх насндм сангдна.

Элә гидг шовунь
Эңгин урсхулынь цокнал.
Эгчнр, дүүнр олн бәәв чигн
Ээҗләм әдл болхшл.

Залу зандн моднь
Заңһрсн талан нәәхлнә,
Залушг баһ насндан
Залмҗ угаһан яахв.