Церковные песнопения - Второй Псалом | Текст песни

• Тексты песен
• Церковные песнопения
• Второй Псалом

смотри http://azbyka.ru/bogosluzhenie/psalm/psalm01.shtml#ps2

Псалом 2.
Псалом Давида.

1 Вскую шаташася языцы, и людие поучишася тщетным?
2 Предсташа царие земстии, и князи собрашася вкупе на Господа и на Христа Его.
3 Расторгнем узы их и отвержем от нас иго их.
4 Живый на Небесех посмеется им, и Господь поругается им.
5 Тогда возглаголет к ним гневом своим и яростию Своею смятет я.
6 Аз же поставлен есмь Царь от Него над Сионом, горою святою Его,
7 возвещаяй повеление Господне. Господь рече ко Мне: Сын Мой еси Ты, Аз днесь родих Тя.
8 Проси от Мене, и дам Ти языки достояние Твое, и одержание Твое концы земли.
9 Упасеши я жезлом железным, яко сосуды скудельничи сокрушиши я.
10 И ныне, царие, разумейте, накажитеся вси судящии земли.
11 Работайте Господеви со страхом и радуйтеся Ему с трепетом.
12 Приимите наказание, да не когда прогневается Господь и погибнете от пути праведнаго, егда возгорится вскоре ярость Его. Блажени вси надеющиися Нань.