Цогбадрхин Түвшн-Җирһл - ХАЛЬМГИН ЦАҺАН ТАЛ | Текст песни

• Тексты песен
• Цогбадрхин Түвшн-Җирһл
• ХАЛЬМГИН ЦАҺАН ТАЛ

Эн дууг Йондна Эрднь-Тогтх күн бичҗ. Эрднь-Тогтх Китдин Өвр Моңһлын Шилин һол əəмг нутгта.
2009-гч җилд Хальмг таңһчд гиичлҗ ирсмн. Хальмгин у өргн тегиг үзəд, Хальмг үүрмүдтə таньлдад байрлад йовсмн. Тегəд тер доран «Хальмгин цаһан тал», гисн шүлг бичҗ. Ода дун болад өвр моңһлд дуулгдҗана. Цог-Бадрхин Тувшн жиргал дуулжана

**********
Үгнь: Йондна Эрднь-Тогтх
Айснь: Ловсңҗамсугин Зөрг-Баатр
Дуулснь: Цогбадрхин Түвшн-Җирһл

Хальмгин цаһан талнь
Хара алдм тиньгр,
Халун чирəтə төрлмүд минь
Хархд негл таньлхн, таньлхн.

Иҗл зə мөрнь
Эргəн давад урсна,
Иҗлхн заята нөкдтəһəн
Элг татлдн золһна, золһна.

Хальмгин көк теңгрнь
Хархд негл өндр,
Халун элгн тохм минь
Хама бəəснчн сангдна, сангдна.

Эрсдсн тууҗинь бодхларн
Элк зүркм эмтрнə,
Эрлкг Җаңһриһинь соңсхларн
Эр зөрг ундрна, ундрна.

Тəəлвр:
тал – тег
хархд – үзхд
эрсдсн – зовсн, түрсн
эмтрнə - шарклна
эрлкг - баатр
ундрна – сүрə өгнə


Цогбадрхин Түвшн-Җирһл еще тексты