Читает Кристина Маташева - Л.Кокышев "Культуразы јок немелер" | Текст песни

• Тексты песен
• Читает Кристина Маташева
• Л.Кокышев "Культуразы јок немелер"

Кор-Кобы деп алтайга
Коркышту культурный уул келди.
Тыш бӱдӱми килтиреп,
Тыштаевтерде отырды.

Јектеп айдып болбозыҥ-
Техникумды божоткон.
Барган јерин суразаҥ-
Барнаулда токтогон.

Сӱӱри башту ӧдӱги
Сӱзеген уйдыҥ мӱӱзиндий.
Солып кийген носогы
Солоҥыныҥ јӱзиндий.

Тере тонду адазын
«Тербезен!» - деп каткырат.
Бажы буурыл энезин
«Барыня» деп отырат.

Костюмын уймап ийбеске
Косту очоктоҥ тууралайт…
Кебин јуурып, чегенди
«Кефир что ли?» - деп сурайт.

Тыртык сабар бажында
Тырмагын јазап отырат.
Курут салып бергенде,
«Кушать что ли?» - деп турат.

Алтайлап эрмек сураза,
Айтпай оозын тыртыйтат.
Алдында јаткан газетти
«Алтайдын чолмоны» - деп кычырат…

Иностранный сӧс билип,
Интересный неме айдат.
Бойына тӱҥей тенекти
Кӱйӱндирип, кайкадат.

Сирейе ле тебинзе,
Сигареди ышталат.
«Сирень» деген јиколон
Сиркелӱ баштаҥ јытанат.

Тижин кӱрӱм арчыбай,
Джинсы кийип, шайраҥдайт.
Јӱзӱн јунбай јӱреле,
Јӱстӱк кийип, јарјаҥдайт.

Јӱс албаты ортодо
Јӱзин кайдаар сугат не?
Најылары сураза,
Нациям кем деп айдат не?

Кееркедип эткен кийими
Кем де кийер јаҥы бар.
Кижиниҥ оноҥ јӱзи бар,
Культуразы, тили бар.

Андый тенек ажыра
Алтай адыс ӱрелер…
Куучындаарын ундыган
Культуразы јок немелер!

Лазарь Кокышев. 1971 ј.

Читает Кристина Маташева еще тексты