Шаран Бадм- Хаалһ / Дмитрий Шараев - Моһа сарин Нәәмн/ 8 Марта (prod.by Бад Чимидов) | Текст песни

• Тексты песен
• Шаран Бадм- Хаалһ / Дмитрий Шараев
• Моһа сарин Нәәмн/ 8 Марта (prod.by Бад Чимидов)

Моһа сарин Нәәмн/8 Марта
Үгнь Боовуш Пюрвеевна Амбекова
Дуулҗахнь Шаран Бадм - Хаалһ

Моһа сарин нәәмн
Мана ээҗин өдр.
Мөңк нас наслита,
Мана җирһл угтыта.

Хаврин түрүн өдртнь
Халун нарн һарна,
Хамг мана ээҗнр
Хәәртә өдрән темдглнә.

Унтл - кевтл уга
Өлгәдән өсксн
Ач иктә ээҗ, таниһан,
Альк насндан мартхв?

Хаврин сарнь урһв,

Хамг шовуд җиргнә.
Хол һазрин кемҗәнд
Хәәртә ээҗм сангдна.

Асрад, өргәд сунһсн
Ач иктә ээҗ,
Әмнд - менд йовсув,
Ачитн эврән хәрүлнәв.

Күүкд улсин сән өдр
Кезәд чигнь делгртхә.
Көкүләд өсксн ээҗ, таниһән,
Келәд, кенләнь дүңцүлхв?

Экин седкл - үрнд,
Үрнә седкл - көдәд.
Өсҗ - сунҗ авсув,
Ээҗән бичкә мартсув.

2000 җил, моһа сар


Шаран Бадм- Хаалһ / Дмитрий Шараев еще тексты