Шорван Феликс - Дорҗин Альмн | Текст песни

• Тексты песен
• Шорван Феликс
• Дорҗин Альмн

Дорҗин Альмн
Дуулҗахнь Шорван Феликс

Арвн-ла долата Альмн –ла күүкн
Авдриһан уудлад җиңңүләд бәәдмб /2д.
Авдриһан уудлад җиңңүләд бәәхнь
Альчуран һарһҗ дайлдг -ла билә-лә /2д.

Һова һольшг Башмга Җиҗә
Һолын арын хотнднь һурвн - дөрвн хонла /2д.
Һолын арын хотнднь һурвн - дөрвн хонхнь
Һосн валенк хойриган эләһәд бәәҗ -лә /2д.

Арвн-ла долата Альмн –ла күүкн
Авдриһан уудлад җиңңүлдг билә-лә
Авдриһан уудлад, альчурарн дайлна
Авдриһан уудлад җиңңүләд бәәхнь
Альчурарн, альчурарн дайлдг-ла билә-лә/2д.

Арвн-ла долата Альмн –ла күүкн
Һурвн көлтә сиикигнь келһүләд бәәдмб /2д.
Һурвн көлтә сиикигнь келһүләд бәәхнь
Һова һольшг Альмадан белглүләд бәәҗ-лә /2д

Теглг нурһта йовсн Коля гидгнь
Темдгтәхн һазртнь орһулад бәәнә
Тергтә темән орһулад бәәнә -лә
Темән гинә тергәрн орһулад бәәхнь
Теглг гидгнь тосад авад бәәнә /2д.

Һова һольшг Башмга Җиҗә
Һолын арын хотнднь һурвн - дөрвн хонла /2д.
Һолын арын хотнднь һурвн - дөрвн хонхнь
Һурвн көлтә сиикигнь келһүләд бәәҗ-лә /2д.
Һурвн көлтә сиикигнь келһүләд бәәхнь
Һова һольшг Альмадан белглүләд бәәҗ-лә/2д

Маңхн бәәдлтә Альмн -ла күүкнь
Маңһд худгин деернь хәләһәд сууҗ –ла /2д.
Маңһд худгин деернь хәләһәд суухнь
Маңһдур күрәд ирхичнь күләһәд сууһад бәәҗ-лә/5д


Шорван Феликс еще тексты