Шотландская баллада - The Elfin Knight(Эльфийский рыцарь) | Текст песни

• Тексты песен
• Шотландская баллада
• The Elfin Knight(Эльфийский рыцарь)

1 THE Elfin knight stands on yon hill,
Blaw, blaw, blaw winds, blaw
Blawing his horn loud and shrill.
And the wind has blawin my plaid awa

2 'If I had yon horn in my kist,
Blaw, blaw, blaw winds, blaw
And the bonny laddie here that I luve best!
And the wind has blawin my plaid awa

3 'Ye maun make me a fine Holland sark,
Blaw, blaw, blaw winds, blaw
Without ony stitching or needle wark.
And the wind has blawin my plaid awa

4 'And ye maun wash it in yonder well,
Blaw, blaw, blaw winds, blaw
Where the dew never wat, nor the rain ever fell.
And the wind has blawin my plaid awa

5 'Now sin ye've askd some things o me,
Blaw, blaw, blaw winds, blaw
It 's right I ask as mony o thee.
And the wind has blawin my plaid awa

6 'My father he askd me an acre o land,
Blaw, blaw, blaw winds, blaw
Between the saut sea and the strand.
And the wind has blawin my plaid awa

7 'And ye maun plow 't wi your blawing horn,
Blaw, blaw, blaw winds, blaw
And ye maun saw 't wi pepper corn.
And the wind has blawin my plaid awa

8 'When ye've dune, and finishd your wark,
Blaw, blaw, blaw winds, blaw
Ye'll come to me, luve, and get your sark.'
And the wind has blawin my plaid awa

Шотландская баллада еще тексты