Шохан - Кундызыма | Текст песни

• Тексты песен
• Шохан
• Кундызыма

Махаббат бар ма екен жоқ па екен мен білмейм,
Бірақ бір күн көрмесем өзіңді мен көз ілмейм.
Мүмкін бұл шынымен де махаббат бірақ сенбейм,
Өйткені мендік болмай, сен жүрдің мән бермей.
Тек алыстан сүйсіндім сенің гауһардай сәулеңе,
Жақындасам күн жүзіндей қаратпайсың көзіңе,
Айдай керемет сұлусың, бірақ айдай суықсың,
Мұхиттай құпиясың және ғаламдай алыссың.
Уақыттар өтіп жатты, қыс келіп жерді жапты,
Қыс артынан көктем келді гүлдене жапырақтар.
Екеуіміз кездестік көктем соңында жаз басында,
Ыстық сезімдер сыйладың маған жылы маусымда.
Мәңгі біргеміз деп серт бердік куә ару қала,
Қалалық саябақ пен Есілдің өзі де куә.
Жұлдызымызды да белгіледік аспан төрінен,
Дәл қазір қарап көрші ол жұлдыз әлі сөнбеген.

Қ\сы:
Жаным сен арманым сен
Сезім әнін мен арнадым.
Қабыл ал сәлем жолдадым
Жүрегімді мен сыйладым.
Саған мен самғап келем,
Әлі іздеп сенем,
Құшағымда болған кездеріңді аңсап келем.
Мұңаймашы тек, жетермін мені күтсең,
Екеуіміз қосылармыз мүмкін бүгін, мүмкін ертең.

Есіңдеме, екеуіміз жүрген кезеңдерде
Сен менімен бірге болдың маған қиындық келгенде.
Есіңдеме, екеуіміз жүрген сол кездерде
Көшеде қалып едім, ал сен болдың меніменен.
Ақша жоқ кездерде және жұмыс істедік саябақта
Мен атриакционда, ал сен болсаң сатып тәтті мақта.
Неше түрлі қызықты оқиғалар бастан кештік,
Сезім жалынын күшейткен біржола енді өшпес.
Осылайша түсіндім мен махаббат бар екенін,
Сағыну және сүю, өмір сүру заң екенін.
Ал қоштасу тек қана күшейтеді сезімдерді,
Мен сені сүйем жаным, күлімдеп еркелеген.
Мәңгі біргеміз деп серт бердік куә ару қала,
Қалалық саябақ пен Есілдің өзі де куә.
Жұлдызымызды да белгіледік аспан төрінен,
Дәл қазір қарап тұрмын, ол жұлдыз әлі сөнбеген.

Қ\сы:
Жаным сен арманым сен
Сезім әнін мен арнадым.
Қабыл ал сәлем жолдадым
Жүрегімді мен сыйладым.
Саған мен самғап келем,
Әлі іздеп сенем,
Құшағымда болған кездеріңді аңсап келем.
Мұңаймашы тек, жетермін мені күтсең,
Екеуіміз қосылармыз мүмкін бүгін, мүмкін ертең.