Элина Муртазова и Асет Абубакарова - Нохчий йо1 ю со (New 2016) [M95] | Текст песни

• Тексты песен
• Элина Муртазова и Асет Абубакарова
• Нохчий йо1 ю со (New 2016) [M95]

I. Сан дахаран сан ирс юьртара бахам,
Дан дезаш дукха ду нах санна яха.
Нуй хьаькхна ков-кертахь ц1ано а йина,
Етт- эсий беднахь парг1ат а дина.
Нуй хьаькхна ков-кертахь ц1ано а йина,
Етт- эсий беднахь парг1ат а дина.

Раг1ук1ел йогучу цу нохчийн пешахь,
Хьокхмаш деттина а ера ю беша.
Ба1арийн г1аш дагош хьокхур бу нуй а,
Мокъа 1ан йиш ма яц и дан хир дуй хьан?
Ламан йо1 ю со, ламан нур ду со,
Ламан йо1 ю со, ламан нур ду со.

II. Сан дахар, сан кхоллам г1алара бахам,
Къахьега сан деза нах санна яха.
1илманан к1оргенаш мелла а йовза,
Балха т1ехь хилийта массарел говза.
1илманан к1оргенаш мелла а йовза,
Балха т1ехь хилийта массарел говза.

Дукха ду дан дезаш хан к1еззиг хета
Туьканаш, салонаш хьо соьх ца кхета.
Машенахь йолушехь массанхьа кхача,
Атта дац ма моьтту лаха и кхача.
Г1алар йо1 ю со, г1алар нур ду со,
Г1алар йо1 ю со, г1алар нур ду со.

III. Башхалаш елахь а вайшинан бахам,
Цхьа ирс ду вайшинне Нохчийн чохь яхар.
Ломахь а, г1алахь а лардеш вайн г1иллакх,
Д1атесна вай наха и цкъа ца хилла.
Ломахь а, г1алахь а лардеш вайн г1иллакх,
Д1атесна вай наха и цкъа ца хилла.

Гергарло вайшиммо кхайкхадай хинца,
Ца оьшу къийсамаш тахана бийца.
Йолалой ирс лохуш вайшиъ кху г1алахь,
Хьо ишта, со ишта ца бохуш цкъа а.
Къоман ирс ду вай, бертахь дехар вай,
Къоман ирс ду вай, бертахь дехар вай.

................

Ламан йо1 ю со, г1алар нур ду со.
Ламан йо1 ю со, г1алар нур ду со.
Къоман ирс ду вай, бертахь дехар вай,
Бертахь дехар вай.

Элина Муртазова и Асет Абубакарова еще тексты