Эльвина Гейдарова (гр. Сувар) - Серинда | Текст песни

• Тексты песен
• Эльвина Гейдарова (гр. Сувар)
• Серинда

Pesni.guru - сайт для Гуру

Накь рагъ авай, къе серинда,
Къе серинда, яр серинда.
Зи рикIевай хер деринда,
Хер деринда, яр деринда.

Вили кьуна, рикIи кьурда
РикI хана зи са геренда.
Зи рикIел кьацI авуртIани,
Яр ширинда, яр ширинда.

И бахтавар хуьр гадарна,
Вун яргъариз физвани яр?
Эвел кьиляй зун кIан хьана,
Гила масад гъизвани, яр?

Ваз ви цIийи кIанидакай
Зи ухшарар къвезвани, яр?
Я тахьайтIа вунни зун хьиз
Йиферизди шезвани яр?

Гьар акурдаз дерт ахъайна,
Лугьуз жедач жузуналди.
Сад Аллагьдиз чида, за ви
Рекьер хвейди шазаналди.

Чалаг ягъиз вили лифер
Цавай физва лужуналди.
Зун бубади са чарадаз
Гузва гила гужуналди.