Янка Купала - А хто там ідзе? (14) | Текст песни

• Тексты песен
• Янка Купала
• А хто там ідзе? (14)

А хто там iдзе, а хто там iдзе
У агромнiстай такой грамадзе?
— Беларусы.

А што яны нясуць на худых плячах,
На руках у крывi, на нагах у лапцях?
— Сваю крыўду.

А куды ж нясуць гэту крыўду ўсю,
А куды ж нясуць напаказ сваю?
— На свет цэлы.

А хто гэта iх, не адзiн мiльён,
Крыўду несць наўчыў, разбудзiў iх сон?
— Бяда, гора.

А чаго ж, чаго захацелась iм,
Пагарджаным век, iм, сляпым, глухiм?
— Людзьмi звацца.

Янка Купала 1905-1907 гг.

(чытае Валер Шушкевіч.)

Янка Купала еще тексты