01 - саган карай барады ушып | Текст песни

• Тексты песен
• 01
• саган карай барады ушып

Саған қарай барады ұшып.

Ей, асылым, білесің бе?
Сен алысқа кеткенде,
Әлсін-әлсін барып тұрдым сен жүретін көк белге.
Білесің бе?
Есіңде ме?
Елегізіп көктемде,
Ұзақ-ұзақ қараушы ең ғой ұзақтағы бөктерге.

Кешікпей-ақ көрем деп ең,
Келем деп ең жуырда.
Елеңдеп ем...
Бекер екен, тек жұбату - мұның да.
Міне - көктем, әне - сағым,
Салтанатын құруда,
Сағым ба, әлде,
Сағыныш па?
Көзден ұшқан нұрым ба?!

Әлдеқалай ақша бұлттан,
Құлап түсті бір тамшы!
Ей, асылым!
Аңсадым ғой, елге мойын бұрсаңшы?
Тәңірімдей табындырып,
Қарсы алдымда тұрсаңшы?
...Анда-санда аударылып, ағып түсіп бір тамшы,
Саған қарай барады ұшып орамалым бір шаршы.

Мұқағали Мақатаев.