11. Тартай/Фил МС - Режиссер | Текст песни

• Тексты песен
• 11. Тартай/Фил МС
• Режиссер

Тартай:

Ҡояш юғала офоҡтан уны алыштыра эңер,
Аҡ ҡара алыша, ә кеме һуң еңер.
Шулай бүленһә кешеләр был ҡалала кемдәр ҡалыр,
Аҡ байраҡты күтәрһәк тә, беҙҙе кемдәр табыр.
Йөрәкһеҙ кешеләр, әллә системамы йота,
Берәү казинола ер аҫтына билет ота.
Мин алйымаҫ өсөн күптән күҙәтәмен ситтән,
Ләкин шаҡ ҡатамын уҡып әкиәт гәзиттән.
Кемдәр һуң уйнайҙар әйтсе епле ҡурсаҡтарҙа,
Хөкөмәткә ҡаршы сыҡҡан зинданда ят ҡосаҡтарҙа.
Хәҙер усаҡтарҙа ҡалды тик күмерҙәр,
Тв - нан халыҡҡа тағын өмөткә күмерҙәр.
Башҡа ышанмаҫҡа һүҙ бирһәм дә бер ни түгел,
Иң ҡәҙерен ал да, артҡа ҡарамайса йүгер.
Бәлки һинеңдә турала режисер кино төшөрөр,
Был сер булыр һиңә, был төн үҙенә йәшерер.

Фил МС:

Тымыҡ һыуҙа нимәлер кәмә сайҡала,
Режисер ҡуша Ҡушма Штаттарҙан.
Берҙәм Рәсәй яйлап үҙе эстән тарҡала,
Фараз Рәсәй һатыла, хаҡы арзан.
Халыҡ сыға урамдарға, аллам уларға ярҙам,
Йөнтәҫ кәкре ҡул этеп ҡуймаһын ярҙан.
Һуҡыр фемида, күрмәҫкә мәжбүр,
Атай бүре үлһә ҡала йәш бүре.
Инет селтәре революция өсөн ыҡсым,
Осҡон тоҡанды Аватар ҙа кеше ысын.
Донъя үҙенсә ауыр тегеләй былай һелтәй,
Тормош ул сәхнә, минеке әкиәттәй.
Бәхет өсөн күп кәрәкмәй әҙ генә лә етә,
Беҙгә бирелгән ваҡыт ул һиҙелмәй үтә.
Барын булдырып була, әгәр ныҡ теләһәң,
Аңлы халҡыңа дөрөҫ һүҙҙәр һөйләһәң.