Cветлана Васильева-Вутӑшпи, Евгений Кузнецов - Чĕрене хушаймăн (запас) | Текст песни

• Тексты песен
• Cветлана Васильева-Вутӑшпи, Евгений Кузнецов
• Чĕрене хушаймăн (запас)

Валерий Раштав сăвви
Александр Быковский кĕвви

Хĕр:
Эс вылянчăк çурхи çил пекех.
Тупнă теççĕ эс çĕнĕ пике.
Кур-ха эс, тусăм, сан вырăнна
Çупăрлать ăшă çумăр мана.

Каччă:
Айăпла эс мана, айăпла.
Тен, Турри çырнă пулĕ çапла.
Çиçĕм çиçрĕ уяр тÿпере,
Килĕштертĕм эп урăх хĕре

Припев:
Çук, хушаймăн манма чĕрене
Ĕнерхи сар хĕвеллĕ куна.
Куççуль мар тăкăнать çĕр çине,
Ку вăл çумăр тумламĕ кăна.
Сукмаксем пирĕн икĕ енне
Уйрăлаççĕ пулсан та, çавах
Ыр сунасчĕ ялан пĕр-пĕрне.
Шел, вĕçленчĕ илемлĕ юмах.

Хĕр:
Ан кала пĕр сăмах та мана,
Ан сипле тăварпа сурана.
Ирĕк çеç пар пăхмашкăн паян
Юлашки хут хура куçунтан.

Каччă:
Ан кÿрен эс мана, ытлашши.
Чунăмра – вут-хĕлхемĕн ташши.
Йăнăш утăм тумастăп-и халь?
Тепринпе, тен, çÿретĕп ахаль?


Cветлана Васильева-Вутӑшпи, Евгений Кузнецов еще тексты