Davide Van De Sfroos - El fantasma del ziu Gaetan | Текст песни

• Тексты песен
• Davide Van De Sfroos
• El fantasma del ziu Gaetan

E sivuplè, adèss sara la bùca e ferma la tua lengua
senta che veent che incruscia la bedoja e te bùfa via i paròll...
un fiocch de neev che paar una cicàda soe la finestra de questa villa vègia
e la pagüüra te pìzza e te smòrza nel portascèndra cumè un mùcc...

L'è inüütil che sgàrlet nel foech e te moevet la bràsca
che gnànca l'infernu l'è bòn de sculdà questu siit
e varda quel quadru tacaa giò in fuund alla stanza
una fàcia de nèbia, de scìla, de arsenico e giàzz...

Regordess bee el nomm de questa nocc l'è la nòcc de tucc i Saant
e luu l'è scià cumè una s'ciupetàda sparàda foe del trònn...
in questa cà l'ha imbutigliaa el so coer prema de nànn per quela guèra,
ma la butèglia quajvoen ghe l'ha bevüüda e fracassàda cuntra el müür

l'è inutil che adèss la tua foeja se tàca al so ràmm
che dopu sto culpu de briisa gh'è scià l'uragànn...

L'è el fantasma del ziu Gaetann una sciabula in ogni mann
l'è turnaa indree de Balaklava cun't i oecc che pareven lava
soe la spala g'ha un barbagiann e 'l cavall l'è de verderamm
i barbiis cum'è catramm e la facia culuur zafrann
l'è el fantasma del ziu Gaetann el fantasma del ziu gaetann...

E i gh'ann sparaa quarantamila voolt insema a oltri seesceent
la moort la muveva la rànza ma luu el sbassàva la cràpa
e canunaat e foemm e tempesta de sabbia e de òss
la moort regalava la ranza a quii che ghe sparàven adòss..
ma ogni culpu che sbògia la divisa paar quasi che ghe dia pussee forza
quando l'anima è molto distante l'è difficil che'l corp el se smòrza
e badabàmm alla fine la moort l'ha strengiuu pussee la sua morsa
ma el coer ghe l'ha mai truvaa e adèss luu l'è scià de cursa...


Davide Van De Sfroos еще тексты