Davide Van De Sfroos - EL FANTASMA DEL ZIU GAETANN | Текст песни

• Тексты песен
• Davide Van De Sfroos
• EL FANTASMA DEL ZIU GAETANN

EL FANTASMA DEL ZIU GAETANN
E sivuplè, adèss sara la bùca e ferma la tua lengua
senta che veent che incrüscia la bedoja
e te bùfa via i paròll...
un fiocch de neev che paar una cicàda
soe la finestra de questa villa vègia
e la pagüüra te pìzza e te smòrza
nel portascèndra cumè un mùcc...
L'è inüütil che sgàrlet nel foech e te moevet la bràsca
che gnànca l'infernu l'è bòn de sculdà questu siit
e varda quel quadru tacaa giò in fuund alla stanza
una fàcia de nèbia, de scìla, de arsenico e giàzz...
Regordess bee el nomm de questa nocc
l'è la nòcc de tücc i Saant
e lüü l'è scià cumè una s'ciupetàda
sparàda foe del trònn
in questa cà l'ha imbutigliaa el so coer
prema de nànn per quela guèra,
ma la butèglia quajvoen ghe l'ha bevüüda
e fracassàda cuntra el müür …
L'è inüütil che adèss la tua foeja se tàca al so ràmm
che dopu stu culpu de briisa gh'è scià l'uragànn...
L'è el fantasma del ziu Gaetann
una sciabula in ogni mann
l'è turnaa indree de Balaklava
cun't i oecc che pareven lava
soe la spala g'ha un barbagiann
e 'l cavall l'è de verderamm
i barbiis cum'è catramm
e la facia culuur zafrann
l'è el fantasma del ziu Gaetann
l’è el fantasma del ziu Gaetann...
E i gh'ann sparaa quarantamila voolt
insema a oltri seesceent
la moort la muveva la rànza
ma lüü el sbassàva la cràpa
e canunaat e foemm, tempesta de sabbia e de òss
la moort regalava la ranza
a quii che ghe sparàven adòss..
ma ogni culpu che sbògia la divisa
paar quasi che ghe dia püssee forza
quando l'anima è molto distante
l'è difficil che'l corp el se smòrza
e badabàmm alla fine la moort
l'ha strengiüü püssee la sua morsa
ma el coer ghe l'ha mai truvaa
e adèss lüü l'è scià de cursa...
L'è el fantasma del ziu Gaetann…


Davide Van De Sfroos еще тексты