Dimkas - Мин туспунан | Текст песни

• Тексты песен
• Dimkas
• Мин туспунан

Улааппытым Нюрба улууһун Дьаархан сэлиэньэтигэр
Олоробун билигин ахсаан намчы көлүөнэтигэр
Эҕэрдэ тиэрдэбин доҕотторбор ыччатарбар
Сүрэх тутан ыытабын соҕотох анал тапталбар

Сылдьарым тухары кэминэн ырыа суруйабын
Олорор олохпун үксүн тылларбар хоһуйабын
Тыһынчаннан биэрэстэ тылларынан быһаарбытым
Сатамматах тапталбын ыллаан сүрэххин таарыйдым

Мин олохпун боростой тылларынан быһаарбаттар
Тугунан тыынан улааппыппын дьон сэргэ таайбаттар
Тоҕо диэтэр димка мээнэ дьоҥҥо санаатын эппэт
Ол иһин ис дууһабын үгүс үгүстэр билбэттэр

Хайдах сыһыаннааххын миигиниин оннук эппиэттэһиэм
Тугунан тыынарбын биллэххинэ доҕор оҥостуом
Чугас доҕотторум билэллэр төбөбөр туох баарын
Кинилэргэ эрэнэн кэпсиим санаабар туох баарын

припев
Мин соҕотох олороммун, оруол оҥостоон айыаҕым
Баар суох аналбын үйэм тухары таптыы сылдьыаҕым
Доҕотторум сыһыаннарын үйэлэргэ убаастыаҕым
Аймах тута дьоннорум туһугар охтуоҕум

2 куплет
Оҕо сылдьаммын эбэһээт баппат диэн ааттаах буолааччым
Оҕо саадыттан хас санаатым аайы куотааччым
Оскуолаҕа киирэммин оҕо бөҕөтүн кырбааччым
Онтон бүтэһигэр оҕо дьонуттан ытааччым

Бастакы кылааска өйдүүбүн чалбахха охторбун
Сүүрүккэ табах сототунан хараабыл гынарбын
Өрүһүм үрдүттэн сырылаары саахха охторбун
Ааһан иһэр итириктэри буорунан тамныырбын

Өссө өйдүүбүн ойуурга хаптаһын дьиэлээхпин
Ол дьиэм иһигэр кып кыракый иһиттэрдээхпин
Өссө оонньуом этэ диэн табаарыспар барбыппын
Оонньууга хотторон кыһыйан денди алдьаппыппын

Умнуллубат кэмнэр этэ ол түгэҥҥэ сэгэр
Мин оҕо сааһым көмүскэ атастаспар түгэннэр
кэми төттөрү төннөрүөм этэ оҕо сааспар
Кыра сылдьарым санаата баар билигин даҕаны испэр