Ensemble Leones - Allez daz den sumer (arr. M. Lewon) | Текст песни

• Тексты песен
• Ensemble Leones
• Allez daz den sumer (arr. M. Lewon)

Allez daz den summer her mit vroyden was
daz beginnet truren mit der winderlanghen sweren zit
sanghes sint de voghelin gheswigen uberal
gar verdorven sint de blomen unde gras
scowet waz des kalden rifen oben vph dem walde lit
ez ist wol von sculden ist de grvne heyde val
daz ist eyn ghemeine claghe
de mich vroyden wendet
daz ist an minem lesten taghe
leyder unvorendet
Se nimmt immer wunder waz de claghe si
de ich durch besserunge minen lieben vriunden han geseyt
daz wil ich bescheiden daz ir sprechet ez ist war
in der werlde niemen lebet sunden vri
ia ist ez so ie lenger so ie boser in der kristenheit
mine tage swindent unde kurtzent mine iar
sold ich da bi vroyden phlegen
de von herczen gienge
dienest lazzen under wegen
der mich baz vorvienge
Swenne ich sunderhafter in den rvwen pade
so wil si min vrowe daz ich ir kinden singhe niwen sang
so muz ich mich ir gewaltes mit verzeihen wern
si gedarf mich nimmer me an sich gheladen
vmb eyn scheyden van ir denst so stet alles min ghedanc
ich bin in den willen daz ich wil de sele irweren
de ich van gote irvernet han
mit uppichlichen sanghe
der engel m?z ir bi ghestan
vnde hute vor ghetvangheÅ
Min vrowe ist noch elder wan dusent iar
vnde ist noch tummer wen eyn kint daz hinder swensich iaren si
in da swagher vore wart mir vrowe nye baz bekant
se hat mich versochet vf daz ende gar
ir was ich ir eyghen nv wil ich ir werden also vri
mir ist leyt daz ich mine taghe in irme denste han vorswant
se bat mir bi sunde dar
daz ich ir hulde minne
daz vor saghe ich ir vil gar
der valschen tregherinne
Ghenadelose vrowe vor wuerlt waz wult ir min
latz uch dusent iunghe denen hinder vor an miner stat
ich wil eynen herren denen des ich eyghen bin
inne wil nicht vorbaz mer iuwe singher sin
mir ist leyt daz ich so manigen gheylen tret durch iv ghetrat
daz ist miner sele vnd mines heyles vnghewin
daz ich uch do nicht en vloch
daz ist nv min meyste swere
vnd mir zo heren nicht en zoch
des lon mich bezzer wereÅ
Nv wil ich den odelgouchen orlop gheben
dat se in irn nuwen troyen hin schwenzen also vert
vnd ne wil nicht mer singhen van ir aller goughelheyt
ia wil ich mich richten in eyn ander lebn
heyz ot weden vmbe gurten ere langhe gassen swert
den sin ir vitzel vollenclichen mer wan spannen breyt
ia wil ich se bidden al
daz se mir nicht en vlouchen
se ne toruen mich zo ruwental
dar heyme nicht mer souche etc.
(Верхний немецкий, 13 век)

Ensemble Leones еще тексты