Ensemble Organum - Carmina Burana: Le Mystère de la Passion - Hymne Vexilla regis | Текст песни

• Тексты песен
• Ensemble Organum - Carmina Burana: Le Mystère de la Passion
• Hymne Vexilla regis

Vexilla Regis prodeunt;
fulget Crucis mysterium,
[quo carne carnis conditor
suspensus est patibulo.] 1

Confixa clavis viscera
tendens manus, vestigia,
redemptionis gratia
hic immolata est hostia.

[Quo vulneratus insuper
mucrone diro lanceae,] 2
ut nos lavaret crimine,
manavit unda et sanguine.

Impleta sunt quae concinit
David fideli carmine,
dicendo nationibus:
regnavit a ligno Deus.

Arbor decora et fulgida,
ornata Regis purpura,
electa digno stipite
tam sancta membra tangere.

Beata, cuius brachiis
pretium pependit saeculi:
statera facta corporis,
[praedam tulitque tartari.] 3

Fundis aroma cortice,
vincis sapore nectare,
iucunda fructu fertili
plaudis triumpho nobili.

Salve, ara, salve, victima,
de passionis gloria,
qua vita mortem pertulit
et morte vitam reddidit.

O Crux ave, spes unica,
hoc Passionis tempore!
[or: in hac triumphi gloria!]
piis adauge gratiam,
reisque dele crimina.

Te, fons salutis Trinitas,
collaudet omnis spiritus:
[quos per Crucis mysterium
salvas, fove per saecula.] 4 Amen.

Notes:
Changes made by Pope Urban VIII
in 1632 to the Roman Breviary:
1 qua vita mortem pertulit, / et morte vitam protulit
2 Quae vulnerata lanceae / mucrone diro criminum,
3 tulitque praedam tartari.

Ensemble Organum - Carmina Burana: Le Mystère de la Passion еще тексты