Guillaume de Machaut - Felix virgo / Inviolata genitrix / Ad te (M23) | Текст песни

• Тексты песен
• Guillaume de Machaut
• Felix virgo / Inviolata genitrix / Ad te (M23)

Felix virgo, mater Christi,
Que gaudium mundo tristi
Ortu tui contulisti,
Dulcissima;
Sic hereses pervenisti,
Dum angelo credidisti
Filiumque genuisti,
Castissima.
Roga natum, piisima,
Ut pellat mala plurima
Tormentaque gravissima,
Que patimur;
Nam a gente ditissima,
Lux lucis splendidissima,
De sublimi ad infima
Deducimur;
Cunctis bonis exuimur,
Ab impiis persequimur,
Per quos, virgo, subicimur
Servitutis,
Nam sicut ceci gradimur
Nec directorem sequimur,
Sed a viis retrahimur
Nobis tutis.
Gracie fons et virtutis,
Sola nostre spes salutis,
Miserere destritutis
Auxilio,
Ut a culpis absolutis
Et ad rectum iter ductis
Inimicisque destructis
Pax sit nobis cum gaudio.

Inviolata genitrix,
Superbie grata victrix
Expers paris,
Celestis aule janitrix,
Miserorum exauditrix,
Stella maris,
Que ut mater consolaris
Et prolapsis deprecaris
Humiliter,
Gracie fons singularis,
Que angelis dominaris,
Celeriter
Para nobis tutum iter
Juvasque nos viriliter;
Nam perimus,
Invadimur hostiliter,
Sed tuimur debiliter.
Neque scimus
Quo tendere nos possimus
Nec per quem salvi erimus
Nisi per te.
Eya! ergo poscimus,
Ut sub alis tuis simus
Et versus nos te converte.

Ad te suspiramus gementes et flentes....

Guillaume de Machaut еще тексты