Jean Redpath - Johnny O'Braidiesley | Текст песни

• Тексты песен
• Jean Redpath
• Johnny O'Braidiesley

Johnnie rose up in the May morning
Called for water to wash his hands
Says "Gae lowse tae me my twa grey dogs
That lie bound in iron bands
That lie bound in iron bands."

When Johnnie's mother heard of this
Her hands for dule she wrang
Says, "Johnnie for your venison
To the green wood dinna gang."

There's seven foresters in Monymusk,
In Monymusk do dwell;
And for just one drop o' thy hairt's bleed
They would ride the fords o' hell

But he has ta'en his guid bend-bow
His arrows one by one
And he's awa' to the greenwood gane,
To ding the dun deer doon

Johnnie shot and the dun deer lap,
And he wounded her on the side;
And atween the water and the woods,
The grey dogs laid her pride

They ate so much o' the venison
And drank so much o' the bleed,
That Johnnie and his twa grey dogs,
Fell asleep as they'd been deid.

By there cam a silly auld man,
An ill death may he dee;
And he's awa' to Esslemont
The seven foresters for to see.

"As I cam' in by Monymusk,
And doon amang yon scrogs,
There I saw the bonniest youth,
Lyin' sleepin' atween twa dogs.

The buttons that were on his sleeves
Were o' the gowd sae guid,
The twa dogs that he say atween,
Their mouths were dyed wi' bleed."

Then oot and spak' the first forester,
He was heaadsman ower them a',
"Gin this this be Jock o' Braidiesley,
Unto him we will draw."

The first shot that the forester fired,
It wounded him on the knee;
The nexst shot that the forester fired
His heart's bleed blin't his e'e.

Then up rose Johnnie oot o' his sleep,
And an angry man was he;
Says, "Ye micht hae waukened me frae my sleep,
For my heart's blood blins my e'e."

He has leaned his back against an oak,
His foot against a stone,
And he has fired at the seven foresters,
And he's killed them all but one.

His has broken four o' this man's ribs,
His arm and his collar bone,
And he has set him on to his horse,,
To carry the tidings home.

Johnnie's guid bend-bow is broke,
And his twa grey dogs are slain;
And his body lies in Monymusk,
And his huntin; days are deen. (done)

Jean Redpath еще тексты