Shrimad Bhagavad Gita - Глава 12. Bhakti yogaḥ (by T.S. Ranganathan) | Текст песни

• Тексты песен
• Shrimad Bhagavad Gita
• Глава 12. Bhakti yogaḥ (by T.S. Ranganathan)

arjuna uvāca:

evaṃ satatayuktā ye bhaktāstvāṃ paryupāsate |
ye cāpyakṣaramavyaktaṃ teṣāṃ ke yogavittamāḥ || (12.01)

śrībhagavānuvāca:

mayyāveśya mano ye māṃ nityayuktā upāsate |
śraddhayā parayopetāḥ te me yuktatamā matāḥ || (12.02)

ye tvakṣaramanirdeśyaṃ avyaktaṃ paryupāsate |
sarvatragamaciṃtyaṃca kūṭasthaṃ acalaṃdhruvam || (12.03)

saṃniyamyendriyagrāmaṃ sarvatra samabuddhayāḥ |
te prāpnuvanti māmeva sarvabhūtahite ratāḥ || (12.04)

kleśo'dhikatarasteṣāṃ avyaktāsaktacetasām ||
avyaktāhi gatirduḥkhaṃ dehavadbhiravāpyate || (12.05)

ye tu sarvāṇi karmāṇi mayi saṃnyasya matparaḥ |
ananyenaiva yogena māṃ dhyāyanta upāsate || (12.06)

teṣāmahaṃ samuddhartā mṛtyusaṃsārasāgarāt |
bhavāmi na cirātpārtha mayyāveśitacetasām || (12.07)

mayyeva mana ādhatsva mayi buddhiṃ niveśaya |
nivasiṣyasi mayyeva ata ūrdhvaṃ na saṃśayaḥ || (12.08)

athacittaṃ samādhātuṃ na śaknoṣi mayi sthiram |
abhyāsayogena tato māmicchāptuṃ dhanaṃjaya || (12.09)

abhyāse'pyasamartho'si matkarmaparamo bhava |
madarthamapi karmāṇi kurvansiddhimavāpsyasi || (12.10)

athaitadapyaśakto'si kartuṃ madyogamāśritaḥ |
sarvakarmaphalatyāgaṃ tataḥ kuru yatātmavān || (12.11)

śreyo hi jñānamabhyāsājjñānāddhyānaṃ viśiṣyate |
dhyānātkarmaphalatyāgastyāgācchāṃtiranantaram || (12.12)

adveṣṭā sarvabhūtānāṃ maitraḥ karuṇa eva ca |
nirmamo nirahaṅkāraḥ samaduḥkhasukhaḥ kṣamī || (12.13)

saṃtuṣṭaḥ satataṃ yogī yatātmā dṛḍhaniścayaḥ |
mayyarpitamanobuddhiryo madbhaktaḥ sa me priyaḥ || (12.14)

yasmānnodvijate loko lokānnodvijate ca yaḥ |
harṣāmarṣabhayodvegairmukto yaḥ sa ca me priyaḥ || (12.15)

anapekṣaḥ śucirdakṣa udāsīno gatavyathaḥ |
sarvārambhaparityāgī yo madbhaktaḥ sa me priyaḥ || (12.16)

yo na hṛṣyati na dveṣṭi na śocati na kāṅkṣati |
śubhāśubhaparityāgī bhaktimānyaḥ sa me priyaḥ || (12.17)

samaḥ śatrau ca mitre ca tathā mānāpamānayoḥ |
śītoṣṇasukhaduḥkheṣu samaḥ saṅgavivarjitaḥ || (12.18)

tulyanindāstutirmaunī saṃtuṣṭo yena kenacit |
aniketaḥ sthiramatirbhaktimānme priyo naraḥ || (12.19)

ye tu dharmyāmṛtamidaṃ yathoktaṃ paryupāsate |
śraddadhānā matparamā bhaktāste'tīva me priyāḥ || (12.20)