Гуру ПесенTyrtarion - Rectius vives (Horatii Carmen 10. ex libro II.) | Текст песни
Pesni.guru - сайт для Гуру
semper urgendo neque, dum procellas
cautus horrescis, nimium premendo
litus iniquum.
Auream quisquis mediocritatem 5
diligit, tutus caret obsoleti
sordibus tecti, caret invidenda
sobrius aula.
Saepius uentis agitatur ingens
pinus et celsae graviore casu 10
decidunt turres feriuntque summos
fulgura montis.
Sperat infestis, metuit secundis
alteram sortem bene praeparatum
pectus. Informis hiemes reducit 15
Iuppiter, idem
summouet. Non, si male nunc, et olim
sic erit: quondam cithara tacentem
suscitat Musam neque semper arcum
tendit Apollo.
rebus angustis animosus atque
fortis appare: sapienter idem
contrahes vento nimium secundo
turgida vela.
Статистика страницы на pesni.guru ▼
Просмотров сегодня: 1