Unicorn - Средневековье - Stella splendens (14 век) | Текст песни

• Тексты песен
• Unicorn - Средневековье
• Stella splendens (14 век)

Stella splendens in monte Ut solus radium
Miraculis serrato, Exaudi populum

Concurrunt universi Gaudentes populi,
Divites et egeni, Grandes et parvuli,
Ipsum ingrediuntur, Ut cernunt oculi.
Et inde revertuntur Gratiis repleti.

Principes et magnates Ex stirpe regia,
Saeculi potestates Obtenta venia
Peccaminum proclamant Tundentes pectora.
Poplite flexo clamant Hic: Ave Maria.

Praelati et barones, Comites incliti,
Religiosi omnes, Atque presbyteri,
Milites, mercatores, Cives, marinari,
Burgenses, piscatores, Praemiantur ibi.

Rustici aratores, Nec non notarii,
Advocati, scultores, Cuncti ligni fabri,
Sartores et sutores, Nec non lanitici
Artifices et omnes Gratulantur ibi.

Reginae, comitissae, Illustres dominae,
Potentes et ancillae, Juvenes parvulae,
Virgines et antiquae Pariter viduae
Conscendunt et hunc montem Et religiosae.

Coetus hi aggregantur, Hic ut exhibeant
Vota, regratiantur, Ut ipsa et reddant
Aulam istam ditantes, Hoc cuncti videant,
Jocalibus ornantes, Soluti redeant.

Cuncti ergo precantes Sexus utriusque,
Mentes nostras mundantes Oremus devote
Virginem gloriosam, Matrem clementiae,
ln coelis gratiosam Sentiamus vere.